【結婚53年】南紅淡出影視圈只為一個原因 與楚原細水長流交往9年冇拖手

86歲的南紅（原名：蘇淑媚，媚姐）近日跟粵劇大老倌龍貫天一齊接受電台節目《一起走過》訪問，提到跟主持人楊紹鴻的合作，南紅笑言《再見艷陽天》劇本太早死，她說：「不過都知冇辦法，因為原本冇預會拍到百幾集，本來30集之嘛，我已經死咗，不過而家啲人都仲好記得我『大奶奶』。」提到媚姐的入行，她揚言十幾廿歲就已經出社會工作，當時隨家人由廣州來香港，未能考入學校，所以就跟紅線女學做戲。她慶幸由媽媽的朋友介紹拜師紅線女，安排在虎度門睇戲學戲，連藝名南紅都是由師傅女姐所改，她說：「佢本身改南方紅，但我唔鍾意個方字，女姐話做粵劇人人都係三個字，我話咁仲好，我夠特別。」

南紅虎度門睇契姐紅線女學做戲 楚原愛足半世紀全因一個理由【下一頁】

{{hket:inline-image name="MEI.jpg"}}{{/hket:inline-image}}

(圖片：香港電台影片截圖)

{{hket:inline-image name="NAM.jpg"}}{{/hket:inline-image}}

(圖片：香港電台影片截圖)

{{hket:inline-image name="67246823_966369767068043_5293203835454488576_n_600.jpg"}}{{/hket:inline-image}}

(圖片：《大鑼大鼓好戲派》電視  截圖)

南紅隨後跟女姐拍電影，由「茄喱啡」做起，她憶起：「我做佢工人，要伏喺師傅心口講對白，好多人都驚師傅，我就喊住講晒，唔使NG，連導演都讚！」她表示在光藝粵語片公司年代，跟謝賢、嘉玲、姜中平等人合作，她說：「我價錢唔高，公司要我續約，我話我冇地方住，一直住契娘度，如果唔夠錢我就簽唔到合約，於是公司買樓，錢就逐個月喺我人工扣，我都係另外靠做粵劇搵錢食飯㗎咋！」

{{hket:inline-image name="mfile_8605_596703_3_l.jpg"}}{{/hket:inline-image}}

(圖片：網上圖片)

{{hket:inline-image name="B.jpg"}}{{/hket:inline-image}}

(圖片：網上圖片)

{{hket:inline-image name="J.jpg"}}{{/hket:inline-image}}

(圖片：網上圖片)

{{hket:inline-image name="H.jpg"}}{{/hket:inline-image}}

(圖片：網上圖片)

問到面對謝賢、胡楓、周驄等型男，有沒有被追求過？媚姐說：「梗係冇人追求我啦，真係冇呀唔係講笑！四哥梗係唔會，佢講到明唔鍾意我呢類型，咁我又唔鍾意佢，當年佢未做浪子，追咗嘉玲姐囉，所以唔使我！」她笑言胡楓跟張英才，一位已婚一位有女朋友，所以都不會發展。至於「真命天子」楚原，媚姐說：「我做茄喱啡時認識佢，佢剛剛大陸讀書落嚟香港，入光藝做編劇，大家咁上下年歲，傾吓偈，我哋行埋九年都冇拖過手仔，當時都唔知咩叫拍拖！」主持人楊紹鴻和江美儀爆笑稱不相信，明明不斷拍愛情片，竟說不知甚麼叫戀愛？後來，媚姨稱九年來都是發乎情止乎禮，大家都是一齊去睇戲為樂，她解釋：「以前每日要返公司，返完就一齊去飲茶，同謝賢、嘉玲、姜中平一齊去，點知飲飲吓又唔見一個，飲飲吓又唔見一個，最後剩返我哋兩個，咪去睇戲囉！其實邊有時間拍拖吖，唔係片場開工就係去睇戲囉。」

【卡拉屋企】楚原因一事慘遭嘲諷終絕地反擊 與南紅共枕半世紀 86歲近況如何？【下一頁】

{{hket:inline-image name="21_600.jpg"}}{{/hket:inline-image}}

(圖片：網上圖片)

{{hket:inline-image name="TUNGSTAR6072956_600.jpg"}}{{/hket:inline-image}}

(圖片：東星娛樂)

{{hket:inline-image name="TUNGSTAR6072958_600.jpg"}}{{/hket:inline-image}}

(圖片：東星娛樂)

{{hket:inline-image name="BDB.jpg"}}{{/hket:inline-image}}

(圖片：鄭敬基IG）

後來，南紅轉戰電視圈的機緣，是因蔡和平邀請她上《歡樂今宵》表演，演出完畢後立即收到麗的電視台的邀約，為她開設一個「南紅時段」，直至1977年無綫「挖角」邀請我過檔參演《家變》，隨後在無綫有不少經典代表作。由少女演到「阿媽」，媚姐說：「其實當時我未做媽咪，導演要我做咩就做咩，係王天林囉，我成日都演汪明荃阿媽，呢個都習慣咗，去到片場先知佢同謝賢一對，即係我做埋佢阿媽！我做茄喱啡年代已經識王天林，你明知謝賢以前同南紅係演一對嘅，你大可以搵第個人做佢阿媽吖，我都冇嬲，做戲啫，人生要過一世，唔好為芝麻綠豆嘅事去質問人。」

{{hket:inline-image name="images.jpg"}}{{/hket:inline-image}}

(圖片：網上圖片)

{{hket:inline-image name="67367629_355114352050700_1667797584141352960_n_600.jpg"}}{{/hket:inline-image}}

(圖片：《大鑼大鼓好戲派》電視  截圖)

媚姐直言自己至今都很有戲癮，好熱愛做戲，當被問到會否再做時，她的答案非常可愛，她說：「而家唔做得，老實講，我有個原則就係做到阿媽為止，我唔做人阿嫲或阿婆。」現時她熱愛湊孫，不時享受彈古箏或者唱戲的退休生活。

責任編輯：楊安莉